天頂落霎霎sap仔雨，台南平埔西拉雅族人，猶原為著爭取原住民族身份3正名G，徛佇司法院門跤口。這條路in已經行20外冬矣。

律師蔡維哲：「有真濟長輩，真希望家己恢復原住民身份，一直認同家己是西拉雅族的族人，已經等袂著這个消息，就先過身去，阮實在是等袂落去」。

台南市副市長戴謙：「請司法院大法官，通趕緊做出解釋，解決西拉雅族群，身份正名的問題」。

台南市政府表示，佇台南市，平埔西拉雅族是市定原住民，也希望外界正視tsìng-sī　。西拉雅族人表示，in自過去向原民會爭取恢復原住民身份，攏無成功，一直到舊年五月台北高等行政法院向司法院大法官聲請憲法解釋，《原住民身分法》第2條有關平地原住民的規定，敢有牴觸憲法各族群平等，佮保障原住民地位等等的條文，才予in閣有新機會。

司法院大法官書記處長出面接受意見書，強調會依法審理案件。西拉雅族人也呼籲中央愛落實轉型正義，予in通早日正名，身份證通參其他原住民仝款有註記，揣回家己的身份。

資料來源：https://news.pts.org.tw/article/555903